أهم مميزات وعيوب ويندوز 8 Reviewed by Momizat on . [caption id="attachment_644" align="alignleft" width="150" caption="ويندوز 8"][/caption] طبعا كلنا بنسأل حالنا قبل ما ننتقل لاي نظام تشغيل جديد عدة اسئلة ، متل [caption id="attachment_644" align="alignleft" width="150" caption="ويندوز 8"][/caption] طبعا كلنا بنسأل حالنا قبل ما ننتقل لاي نظام تشغيل جديد عدة اسئلة ، متل Rating:
انت هنا : الرئيسية » البرامج والتطبيقات » أهم مميزات وعيوب ويندوز 8

أهم مميزات وعيوب ويندوز 8

ويندوز 8

ويندوز 8

طبعا كلنا بنسأل حالنا قبل ما ننتقل لاي نظام تشغيل جديد عدة اسئلة ، متل هل انا مستعد لهيك مخاطرة ، وهل الشي بيستحق اخاطر عشانه وانزل نظام تشغيل جديد ما بعرف عنه شي ، من خلال هالموضوع ححاول قدر الامكان اوصللكم كل شي من مميزات وعيوب في ويندوز 8 لحتى اسهل عليكم اتخاذ القرار بالانتقال من عدم ، نبدأ على بركة الله

مميزات:

  • سرعة الاقلاع رهيبة ، بحيث انها بالكاد تتجاوز 12 ثانية ، بيكون سطح المكتب امامك وتبدأ العمل ،، يعني ما بين 9 و 12 ثانية .
  • الوصول لكل شي صار اسهل ، يعني كل التطبيقات امامك في شاشة واحدة بضغطة زر بتوصل للي بدك اياه .
  • طريقة التنقل بين البرامج وسطح المكتب مميزة كتير ، بتخليك بس بدك تضلك تلف وتلف وتلف !
  • امكانية تقسيم الشاشة لجزئين ، سطح مكتب وبرنامج او برنامج وبرنامج تاني ، بصراحة خاصية فخمة جدا.
  • تطبيق الفيس بوك وتويتر الموجودين في الويندوز بيتيحوا الك الوصول لكل شي خاص فيك على فيس بوك وتويتر بسهولة تامة دون الحاجة لدخول الموقع من التصفح.
  • كل برامج ويندوز 7 وتعريفاته بتشتغل على ويندوز 8 بدون اي مشاكل.
  • سهولة الوصول للشاشة الرئيسية للبرامج بالضغط على زر شعار الويندوز او توجيه الماوس لاسفل يسار الشاشة .
  • امكانية استعادة الويندوز في حال حصول عطب فيه مع الحفاظ على كافة الملفات والاعدادت الخاصة فيك على سطح المكتب او في القرص بدون اي تدخل منك .
  • امكانية استعادة الويندوز لحالته الاصلية في حالة قررت تبيع الجهاز او تعطيه لحد وما بدك يكون على الويندوز شي بترجعه كما ولدته امه بدون اي مشاكل .
  • شاشة الدخول وكيفية اقفالها وفك اقفالها وخاصية سحب الصورة لاعلى .
  • امكانية التنقل بين حسابات المستخدمين باقل من ثانية وبكل سهولة بدون اي تعليق .
  • الويندوز اكسبلورر ، صار مطور بشكل كبير كتير ، وبيجمع كل شي بدك اياه في نافذة واحدة.
  • نافذة نسخ ونقل الملفات مطورة وبتعرضلك تفاصيل كتيرة مع امكانية اغلاق او ايقاف النقل بشكل مؤقت مع سرعة النقل بشكل بياني بالميجا بايت.
  • ادارة المهام صارت مطورة بشكل كبير كتير ، بحيث انك بتقدر تعرف كل برنامج شو بيعمل تحديدا وشو تأثيرة على كل شي بجهازك وبامكانك تغلقه بكل سهولة.
  • الخاصية الاجمد ، هي انو برامج واجهة الميترو مش واجهة الديسكتوب العادية ، يعني البرامج اللي نازلة مع ويندوز 8 على الواجهة ما فيها زر اغلاق ، بالمعنى الاصح تم استخدام ذكاء الحاسب في تحديد ما اذا كان هالبرنامج بيتم استخدامه او لا وفي حالة ما كنت بتستخدمه ، بيتم اغلاق البرنامج بشكل تلقائي بعد فترة معينة ، طبعا هادا بخصوص واجهة المترو اما البرامج اللي بشتغل عليها على واجهة الديسكتوب العادية زي الماسنجر والاوفيس والفوتشوب عادي اغلاقها متل اغلاقها في ويندوز 7 عن طريق الاكس الاحمر.
  • استهلاك العتاد ، بصراحة ويندوز 8 على جهازي اسرع بنسبة 90 % من ويندوز 7 ، يعني جنة بالنسبة لويندوز 7 لانو بيستهلك اقل عتاد ممكن من جهازي .
  • اسلوب تسجيل دخول مختلف واسلوب بداية تشغيل الويندوز مختلفة ولو كان عندك ويندوز 7 ونزلت ويندوز 8 جنبه حتلاحظ انو شاشة اختيار الويندوز مختلفة برضوا والجرافيكس تبعها مطور بشكل كبير وكتير حلوة.

عيوب:

  • خاصية اغلاق البرامج بشكل تلقائي ، ممكن تكون مزعجة للبعض ، خصوصا انو احنا تعودنا نكبس زر الاغلاق ونطير البرامج .
  • واجهة مترو بدها عالاقل يوم لحتى المستخدم يتعود عليها ، لانها شي جديد بالنسبة النا كمستخدمين واسلوب التنقل بين البرامج حاجة ما تعودنا عليها والطبيعي ناخد شوية وقت لنتعود .
  • التأقلم مع حقيقة عدم وجود قائمة ابدأ القديمة ، برضوا بده شوية وقت ، كون قائمة ابدأ الجديدة بتوصلك لواجهة البرامج الرئيسية ولخيارات الاعدادات والبحث والاشيا هاي ،،

     

تعليقات (44)

  • Mohammed

    Thanks bro..

    بس أكيد كل البرامج ويندوز 7 تشتغل على ويندوز 8 ؟؟؟ مثل فوتوشوب ؟

  • ahmed saleh

    الويندوز ان سطبته هو كويس و كل حاجة بس كل شي بيهنج و هو شغال ساعات بيعمل صوت عالي و يهنج و لازم اقفلوا و افتحوا تاني و ساعات بيهنج نفس التهنيج بس من غير صوت انا مش لاقي حل للموضوع ده

  • عبدالعاطي المنقعر

    انت زامل والي عرف النت زامل والي صنع الويندوز اكبر فاسد

  • ام عبدالله

    جزاك الله السعادة في الدارين.

  • الدليل العربي للكمبيوتر

    سنحاول التأقلم مع هذا النظام … لأنه حقيقة رائع

  • كنان - غرافيك ديزاينر

    شكرا للموضوع المهم
    اسمحولي احكيلكون تجربتي مع الويندوز 8 الجديد كليّاً بالفعل
    من كم يوم اشتريت جهاز جديد للغرافيك – اختصاصي غرافيك ديزاينر – وغامرت واشتريت ويندوز 8 وكان بالفعل مغامرة بكل معنى الكلمة
    المغامرة بأنو في برامج أساسية ومهمة وهية أساس شغلي متل الماكس والأوتوكاد والفوتوشوب – ولو ما كان الويندوز بيدعم هالبرامج كنت خسرت 600 درهم ثمن الويندوز أولاً واضطريت اشتري ويندوز 7 وكان لازم انتظر فترة لحتى يطورو الويندوز 8 ويصير يتعامل مع هالبرامج وهيك .. بس بصراحة فاجأني جداً
    بالفعل متل ما تكلم أخي مشرف الموقع …. ضليت يومين تلاتة ما اعرف راسو من رجليه لهالويندوز .. كلشي جديد ومميز ومتقن وقريب من سيستم الأبل بعض الأحيان .. والأهم من هاد كلو أنو بيدعم كل البرامج بشكل تفني وممتاز ومافي أي مشاكل ولا هانغات أو تعليق .. بالعكس .. سرعة الويندوز ملفتة للنظر وستايلو جديد بس بعد فترة بتتعود عليه وماعاد تلائي صعوبة .. بالعكس رح تتعود على ميزاتو وسهولة التعامل فيه ولما ترجع للويندوز 7 رح تلائيه صعب شوي
    بصراحة حلو كتير وسلس وبروفيشينال وبأدم خدمات كتير بالنسبة لمواقع التواصل الاجتماعي والطقس والأيميلات تصفحها بغاية السهولة والديناميكية وخصوصا أنو فيك تتعامل مع عدد كبير من الايميلات وبيدعم الجي ميل والياهو والهوتمايل وكتير حسابات تانية
    المساوئ يلي لاحظتا بهالويندوز:
    1- ما بيدعم الكاسبر سكاي .. اشتريت نسخة كاسبر سكاي بس ما رضي ينزلها بس بتصور بعد أيّام رح تتدارك هالشي شركة كاسبر
    2- بعض البرامج ما بتنزل غير عن طريق الأب ستور الخاص بمايكرو سوفت والخاص بهالويندوز
    3- بيتعمّق ببيانات المستخدم كتير .. بس هاد سلاح ذو حدّين ميزتو بأنك بتشعر بالويندوز بيفهم عليك وبيواصل معك وبسهل عليك كتير التصفح ووصولك للبرامج والواقع عالنت وحتى حساباتك الالكترونية وكلشي بكبسة وحدة بصير .. ولكن السيّئة بأنو بحس بأنو مايكروسوفت بتعرف عني أكتر ما بعرف عن حالي . يعني حتى بيطلب منك يستخدم موقعك الحالي وبيعرفو وينك وميولك وملفاتك وكلشي بدهون ياه لأنك رح تكون عايش بعالمهون 100% لهيك حبيت نبهكون وتاخدو احتياطاتكون.
    ملاحظة – لازم تنزلو الأبديت للويندوز لأنو مهم كتير ومفيد – لدرجة أنو لحد هلأ ما احتجت عرّف أي جهاز وصلتو بالكومبيوتر .. كل التعاريف موجودة بالويندوز من طابعة وسكانر وكاميرا وكلشي.
    بتمنى كون فدتكون .. والله ولي التوفيق

  • محمد أحمد ناصر

    بارك الله بكم ان شاء الله رح اتوكل على الله و نصب الويندوز بصراحة شجعتني كتير

  • يوسف

    ((امكانية استعادة الويندوز في حال حصول عطب فيه مع الحفاظ على كافة الملفات والاعدادت الخاصة فيك على سطح المكتب او في القرص بدون اي تدخل منك .
    امكانية استعادة الويندوز لحالته الاصلية في حالة قررت تبيع الجهاز او تعطيه لحد وما بدك يكون على الويندوز شي بترجعه كما ولدته امه بدون اي مشاكل ))

    هذه اكبر كذبه وبعد تجربه صارت ام الكذائب والويندوز سريع الانهيار جرب عيد التشغيل مرتين من الريست واتحداك اذا ما فرمت الجهاز ومافي مستخدم كمبيوتر الا و اضطر لها ولا تنسى بدك تحول الهارد لنظام GPT في كل مره بتسوي فورمات .

  • عبدالحليم

    انا نزلت ويندوز 8 عطبلي الهارديسك رحت استبدلت الهارديسك ونزلت عليه ويندوز 7 اسهل واحسن كاستخدام لانو ويندوز 8 بدو اشويه عبين ما يعدلو عليه بنزلو

  • هشام اسليم

    بالنسبة للسرعة هو فعلا سريع جدا و لكن عندي بعض التعريفات لم تعمل مثل تعريف البلوتوث و جهازي الموبايل و أيضا هناك مشكلة في NET Framework

  • عمار الصافی

    الندوز ممتاز انا استخدمه الان وهو مثالی وکل عیبه انک فی البدایه لاتعرف کیف تستعمله او لنقل بعض اجزائه وشکرا

  • ممحونه

    كويس بس اريد حد يثبته لي يجيني للبيت وناخد راحتنا

  • a7sas

    انا شريت لاب توب من نوع ايسر وحملت عليه ويندز 8 والى الحين ما جربته لانه لسى عند المهندس بس حبيت اسال كم سؤال هل بتركب عليه كل برامج التصميم مثل الفتيشوب برامج تصميم الفديو وكمان اقدر احمل عليه متصفح غير أكسبلورر وهل يدخل الشات الصوتي اما لا اتمنى احد يفيدني

  • أبوبكر البيشي

    أنا اشتريت جهاز توشيبا نازل عليه الويندوز8 أصلي وكنت خايف من هالشي بس بصراحه أذهلني هالويندوز وبالنسبه للعيوب المذكوره أعتبرها أنا شيء تافه أمام كل المميزات الجديدة بإختصار الويندوز 8 نقله نوعيه خرافيه في عالم الحاسوب … ودمتم سالمين

  • محمود الهسنياني

    اعتقد يا اخوان ما في داعي للمناظرات والاستعجال ان كان الويندوز 8 زين او لا ما هو شيء مصيري ولا خطير . التحديث امر مطلوب ولازم مواكبته .

  • فوزي

    ممكن تحديث و تحيين وندووس 7 ب وندووس 8 دون إزالة وندووس 7

  • بشور

    بالنسبة للعيوب الي ذكرتها ممكن تنزل برنامج classic shell
    وان شاء الله تنحل كل المشاكل

  • ماهر

    العين بالعبن والسن بالسن

  • ماهر

    شكراًلكم على الوندز 8

  • أبو محمد

    بصراحة الويندوز جميل وخفيف ولكن انا كرهته بسبب شاشة زرقاء تظهر لي عند تشغيل الوينوز وهي تظهر بدقة بالشاشة اللي قبل شاشة الدخول إلى المترو وتعطيني رمز خطأ وهو BAD_POOL_CALLER وعندما بحثت وراسلت مهندس صيانة من شركة مايكروسوفت اجابني بأن أقوم بإزلة برنامج كاسر البروكسي HOTSPOT أو احد متجات هذه الشركة ثم قمت بحذفة ثم بعد فترة ظهرت رسالة خطأ اخرى وكود خطا آخر بصراحة لم أعرف ما هو البرنامج سبب المشكلة ولم اراسل المهندس لذلك قررت الرجوع إلى ويندوز 7 الخالي من هذه المشاكل كليا وانا الآن على أمل أن تعلن مايكروسوفت عن تحديث ويندوز 8 لأنني أرغب باستخدامه .

  • شعاع التصميم

    الوندوز انا نزلته على جهازي طبعا نسخة اصلية

    النتائج خيالية وسرعة كبيرة في جميع النواحي الاقلاع رهيب لدرجة اني لما اقلع بوندوز سبعه احس بفرق خيالي جدا

    مافي أي تهنيج بنسبة 95%

    واما بالنسبة للتعود على واجهة الميترو رح يكون شعادي للمستخدم المبتدى وشي بسيط جدا للمستخدم المتوسط والمحترف

  • ناصر

    اشترات جهاذ لاب توب لكن انا تايه فى وندوز 8 لكن احس انة ممتاذ فى اشياء كتيره منها السرعة ولكن هناك اشياء غامضة بالنسبة لى مثل غلق النوافذ / وايضا التنقل بين الوجهات اغلاق الجهاذ فية لفة طويلة لغلق الجهاذ وايضا _ اظهار البرامج واعدادات الوندوز / لن اتمنا ان يكون كما اتخيلة لاكنى الان ليص فية …

  • Amen

    مقاله مفيده.. تعلم كثير عن ويندوز 8

  • عبدالعزيز العراقي

    ويندوز 8 رائع جدا والعيوب المذكورة ممكن تجاوزها بكل سهولة ودمتم سالمين انشاء الله …………

  • asd

    انا عندي ويندوز 8 ونزلت على لعبة ريد اليرت2 وطبعنا برنامج جام رانجر عشان العب العبة على النت بس لما حطيته بدخل العب ما برظة وبقدرش ادعس اي اشي وانا كنت العب على وندز اكس بي عادي ارجو حل للمشكلة

  • محمود

    ((خاصية اغلاق البرامج بشكل تلقائي ، ممكن تكون مزعجة للبعض ، خصوصا انو احنا تعودنا نكبس زر الاغلاق ونطير البرامج ))

    من قال لك .. أنه لايمكن إغلاق برامج واجهة الميترواا, حتى سطح المكتب يمكن أن تغلقه ..

    فقط اجعل الماوس في الأعلى وانقر عليه .. ثم اسحب الواجهة إلى الأسفل .. وبيتسكر وصلى الله على محمد

  • باسم

    حلو جداً وسريع بس في مشكله مابيتعرف على الموبايل ومابيرسل بلوتوث لموبايل جلكسي اس 1

  • Hawramax

    اني راح اخلي ويندوز ٨ واتمنه ما اندم

  • Esmail

    تجربتي مع الويندوز الجديد هو انو سيء جداً اغلب البرامج لم تتوافق بشكل كامل مع الويندوز 8 لذلك عند بدء تنزيل البرامج بكم كبير تلاحظ بطء غريب في الجهاز مع انو جهازي معالجه core i7 ورامات 8GB

  • lama

    انا جربت ويدز 8 يجنن كل البرامج اللي في ويندز7 تشتغل

  • نبيل

    الوينداوز8حسب راي البسيط انه يمتازبا السرعة والمرونة وسهل الاستخدام ولاكن واجهت شيء واحد فقط لم اجد له حل وارجوا منكم ان تعطوني الحل والمشكل هو انه عند توصيل المودام انترنات يو اس بي في الكمبيوتر ينصب البرنامج الخاص با المودام بشكل عادي ولاكن عندما تريد الولوج الى الانترنات وتنتقل العملية الى البحث عن المودام تخرج لك نافذة تقول ان الشريحة السيم غير مثبتة في المودام مع العلم ان السيم موضوعة وهاذا المشكل يحدث الا في الوينداوز8فقط اين المشكل .وشكرا.

  • بندر الماجد

    تجربتي كانت مع ويندوز 8 اكثر من رائعه ومن يوم شريته الى الحين ماصارت معي ولا مشكله

    وانا من الناس اللي احب انزل برامج والعاب كثير على الجهاز ولا فيه اي تعليق او بطء او اي مشكله

    الويندوز رهيييب جداا انصحكم تحولون له لانه بصراحه شي اكثر من رائع

    وشكراا<<<

  • ZINEDINE

    بصراحة انا متلخبط هل ويندوز 8 افضل ام ويندوز 8 PRO

  • سمية

    امكانية استعادة الويندوز لحالته الاصلية في حالة قررت تبيع الجهاز او تعطيه لحد وما بدك يكون على الويندوز شي بترجعه كما ولدته امه بدون اي مشاكل .
    هالخطوة كيف ممكن انفذها على ويندوز 8.1 الله يجزاكم خير اللي يعرف يفيدني

  • احمد الراوي

    انا من مستخدمي نظام لنكس ووندو سفن البارحه ثبتت وندرو 8 الحقيقه شيئ جديد يشبه نظام ابل ولقد صدفتني مشكلة اطفاء الجهاز لا ينطفى والحمدلله وجت الحل في مقطع في التيوب الحقيقه رغم اني من مهتميه انظامة النكس لكن هذ النظام يستحق كل تقدير

  • عادل

    عادل مصرى ومقيم بالسعودية
    31 عاما
    الحمد لله انا مهندس كمبيوتر اللى يحتاجنى فى نصيحة ما فى مشكلة ابغى افتح محل كمبيوتر على مستوى كبير وجوال وتركيب صحن وتنزيل سوفت وير لجميع اناوع الرسيفر او محل ادوات منزلية او محل تصوير افراح واعياد ميلاد وسبوع الحمد لله انا اشتغلت فى هذه المجالات لمدة لا تقل عن 12 عام بس المشكلة ابغى فيرا حرة او زوجة صالحة بشرط تكون خليجية وان شاء الله نرتاح مع بعض يرجى الاتصال على
    1 / جوال 00966505781076
    2 / هاتف 00966133701059
    3 / اميل adelh412@yahoo.com

  • دحيدح

    السلام عليكم ورحمة الله. هل يمكنني التحديث من ويندوز ٧ الى ٨.١ بالبريميوم وهل تنصحوني بتنصيبه ام أبقى على ال٧ نرجو الإفادة وشكرا لكم .

  • مستر تايجر

    بخصوص ويندوز 8 الى حضرتك تقريباً كدة هتكتبلنا فى شعر المرة القادمة إلا ان يوجد بعض الالعاب والراماج التى تعمل على ويندوز 7 لا تعمل على ويندوز 8 ودى تجربة انا مجربها بنفسى واكتر حاجة مضيقانى ولو حضرتك عايز تجرب نزل لعبة جنرال او زيرو اور وجربها على 7 هتلاقيها تعمل وجربها على 8 هتلاقيها لا تعمل ودى عبارة عن حاجة واحدة بس من الحجات الى مش شغالة على 8 ومعلومة هامة جداً كل مهندسى الكمبيوتر سوفت وير اجمعو ان نسخة 8 فاشلة وعيوبها كثيرة

  • No one

    الحقيقة كل واحد كاتب لا تعمل كل البرامج مع ويندوز 8 هو اول ما الويندوز ينزل هتنرل كل البرامج هذا مستحيل ثاني شي اشكر كاتب الموضوع بس اللي حضرت ذكرته في العيوب عادي جداً ما في مشاكل في هذا

  • اخبار التكنولوجيا

    أفضل ويندوز هو 8 حتى الآن من ناحية السرعة والامان والتصميم رأي شخصي

  • علاج البواسير

    ويندوز 8 هو الأفضل بالنسبة لي … شكرا على المقال الرائع

اكتب تعليق

© جميع الحقوق محفوظة لشركة إتقان لحلول الأعمال

الصعود لأعلى